موضوع: ملوخية لبناني مش مصري...ومعاهم ضلع..ورز بشعيرية..اتحداكم يا مصريين بيها ادخلو وجربو الإثنين ديسمبر 03, 2012 5:38 am
[size=25]ازيكم يا فتوكات يا حلويين
شوفو بقة...انا اسمع ان الملوخية اختصاص مصري....يعني تتعمل بطريقة مختلفة اوي....يا بالارانب يا بالفراخ يا باللحمة...والاهم انها بتكون مفرومة اوي اوي...
في لبنان لالالا...مختلفة كليا....بتكون ورق...زي ما هي....ومش خضرا لق...يابسة....ومنسيبها ورق.....وعاملة معها الاسم المكلكع التاني الي هو(الضلع)وحعرفكم عليه بعدين..ورز بشعيرية...
من غير كتر كلام....يلا بينا نشوف الطريقة....والتفاصيل.... المقادير للملوخية -2 كيلو صدور فرخة -ملوخية يابسة -كزبرة خضرا -راسين توم -3 بصل كبار-ملح -فلفل اسود-بهارات -بابريكا-كزبرة يابسة-مكعب الدجاج ماجي...شطة لو تحبي
اهي ست الكل بأوراقها مش التعذيب الي انتو بتعذبهولها وتفرموها احنا اللبنانيين حنيين خالص مالص منسيبها براحتها كده زي ما هي هههههههه
نجيبها ونشيل الطرف بتاع كل ورقة لو كان موجود
ننقعها بمية سخنة 10 دقايق وبعدين نعصرها ونحطها على جنب....
اهو عصرناها كده وحطيناها على جنب
في حلة واسعة...نحط 3 ملاعق سمنة كبار...ونضيف البصل المشوي والتوم والكزبرة يتقلو شوية...بعيدن نضيف الفراخ....صدور الفراخ الي اخدناها من الضلع وفسخناها كده وحطيناها فوقيهم ونقلب...
دلوقت ننزل بالملوخية الي عصرناها ونفردها كده وفويقهم اهو...ونقلب......نضيف دلوقت بهارات ...كزبرة ناشفة....بابريكا....فلفل اسود...جوزة الطيب...(ربع ملعقة صغيرة من كل نوع)
.ونضيف شوية شوية من شوبة الفراخ الي هي الضلع الي عملناه فوق...لغاية ما تتغمر نص الحلة من المية...ونقلب..نسيبها ربع ساعة على نار هادية..وربع ساعة نرجع نقلب لغاية ما تنشف ميتها تقريبا....
واهو خلصت خلاص.....وحياة ربنا لذيذة بجد ما تعاندوش وتقولو ايه ده ....جربو بس...وادعولي......ويتعصر عليها لمون كمان....
دلوقت الرز بالشعيرية تتاكل معاها......
اهي الشعيرية نقليها بشوية سمنة...ونضيف عليها المية لغاية ما تغلي...كل كباية رز عاوزة كباية ونص مية...ونص ملعقة ملح...
على جنب نغسل كبايتين رز ونحطهم فوق الشعيرية بعد ميتها ما تغلي...على نار هادية لغاية ما يستوي..
واهو الرز.....
وادي السفرة الجميلة بتاعتي...يارب تنال اعجابكم ومستنية تقييمكم وجربوها....تتاكل الملوخية مع الرز وجنبهم الضلع الجميل الي هو شوربة فراح...
الإثنين ديسمبر 03, 2012 5:38 am
..بتكون ورق...زي ما هي....ومش خضرا لق...يابسة....ومنسيبها ورق.....وعاملة معها الاسم المكلكع التاني الي هو 
وحعرفكم عليه بعدين..
وتفرموها احنا اللبنانيين حنيين خالص مالص منسيبها براحتها كده زي ما هي هههههههه
