: الطات هو ما يميز المرأة...وريني الطات بتاعك - ال
كاتب الموضوع
رسالة
Admin Admin
المساهمات : 230 تاريخ التسجيل : 04/01/2010
موضوع: : الطات هو ما يميز المرأة...وريني الطات بتاعك - ال الثلاثاء أبريل 23, 2013 4:21 am
النقطة التانية او الحرف التاني تحديدا وهو الالف
الأولويات
دائما ترتيب الأولويات
معظم النساء هرم الأولويات عندها مقلوب...نشوف كده هرم الأولويات
الأولاد
الزوج والبيت
الأب والأم
الأصحاب
نفسك
طبعا دي دمار شامل....لازم التغيير شوية
لو حد فيكم ركب طيارة هتلاقي من ضمن مواصفات السلامة فيها لو حصل لا قدر الله اي حادث
مباشرة لما ينزل اجهزة التنفس...يبيقي تبدأ بنفسك وبعد كده تنقذي من حولك
لأنك لو انقذتي من حواليك يمكن ما تصمديش ولا قدر الله تموتي ويموت من معاك
أذن هرم اولوياتك لازم يتحسن بشكل كبير ويكون ترتيبه كالتالي
علاقتك بربنا....صلاتي – صيام- قيامي وكل ما ليا....عشان تكسبي الأخرة وربنا يبارك في الدنيا.....ودي هيقويك
أنت وراحة جسدك ونفسيتك...ابدا مهما حصل لما تكون غضبانة تاخد رد فعل تجاه اي شئ..او تعمل تصرف او تحكي مع اولادك...او تتخانقي معاهم....لأن الغضب هيخليك تخسري كتير وممكن تأذي نفسك او ابنك حبيب قلبك....خدي جنب....خدي شاور.....اهتمي شوية بنفسك...يعني اعمل حاجة واحدة زيادة عن جدولك كل شهر....يعني الشهر دي هتهتمي ببشرة وجهك وحاولي تثبتي شهر لحين ما تستقري ويبقي جزء من حياتك...بعدين العناية بايديك...واثبتي شهر لحد ما تبقي جزء من برنامجك اليومي وهكذا.....كل حاجة عايزة تزيديها اديها وقتها لحد ما تتعودي وتكون عادة مستديمة ليك عشان تكسبي وتحسني من نفسك شوية
باباك وماماتك.....راعيهم بما لا يخالف حياتك ولا يجي عليها...والسبب انك لما بتروحي تزور ماماتك او تكلمي باباك ولو للحظة بتحسي بالأرتياح والسعادة...يبيقي أذن حافظي علي مصدر سعادتك بشكل مستمر...ومن ناحية تانية تكسبي رضا ربنا فيهم...بتكون عاملة زي اللي بيجدف طول الوقت وعايز مرسي يستريح عليه
اولادك والأهتمام بيهم بكل ما يرضي الله...تقدري تعملي جدول ليهم وترتبي اولوياتهم واولوياتك معاهم بشكل مستمر وتعوديهم علي الحياة افضل....ابنك فعلا علي ما تعوديه...يعني تعوديه الفوضوية وتيجي تشتكي انت...يبيقي مش من حق حضرتك لأنك كنت السبب في اللي وصل ليه.....ابنك اصبح عالم الفضل لله ثم ليك....ابحثي عن اسماء علماء الأسلام اغلبهم اللي رباهم وقواهم كانوا نساء مش رجال....
أذن انت من يجعلهم في تقدم....أنت الترس القلب الذي يدور حوله كونك...ينفع هذا الترس ان يصدأ...او تنكسر احد اسنانه تخيلي المنظر معايا
منظر تييت الصراحة
زوجك...حبيه وحسسيه باهتمامك الشديد....لكن مش علي حساب حياتك....الكلمة اللي جاية دي اعتراف من رجل (ما شاء الله صحبتي دي جوزها ما شاء الله تبارك الله بيحبها قووووووووي...قولوا ما شاء الله....المهم بتقوله ايه اكتر حاجة بضيقك مني...قالها انا مش بضايق بالعكس انا بحبك جدا لكن كل ما افتكر اني مش محور اهتمامك اتجنن....انت لازم تخليني انا الأساس عندك...فطبعا دي مش بيحصل...فبيخليه يبذل مجهود عشان يخليها تحبوه زيادة وتقربه اكتر ويكون علي رأس
اصحابك وصديقاتك...قضي معاهم وقت حلو لكن خلي فيه حدود فوق ما تتخيلي.....لأن من رابع المستحيلات الخل الوفي...قليلا ما تلاقيه...هديكم مثلا من الحياة العملية.....ام صديقة ليا...زوجها ممتاز وشخص محترم ومتدين...ليها صاحبة مع بعض بقالهم 25 سنة وانفصلت عن زوجها......و حاولت تغوي زوج ام صاحبتي وطلعت حكاية زي انه متجوزها عرفي والبيت قاد نار والدنيا ضلمت وعاشوا في تعاسة بسبب صديقة.....متقوليش ان صديقتي مفيش منها......الشيطان طلع آدم من الجنة......وادينا بندفع دم قلبنا وعمرنا كله عشان ندخلها ونسأل الله الرحمة
اخر حاجة وهي
حرف التاء.....
من تنظيم الوقت
ودي سبب نجاح ناس كتيرة....انك ترتبي اوقاتك..وترتبي خططك لتنفيذ اللي انت عايزة...الست تقدر تنجز 10 حاجات في وقت واحد ودي قدرة مذهلة لا يتمتع بها الرجال.....عشان كده متزعليش من جوزك لو اتصلت عليه عشان تسأليه علي حاجة وقالك اقفلي دلوقت مش فايق ليك...هو مش عايز يقولها بصراحة.....انا غير قادر علي التفكير...
لكن ما يميز الرجال عن النساء انهم ليهم خط واضح ومخطط محدد لا يحيد عنه...فلو انت جمعتي بين الأتنيين هتنجح بشكل كبير في كل شئ.....في كلمة أخيرة لازم تعرفيها...وهي تنظيم الوقت وعدم تضيعه...
ببساطة كنت بدوري علي حاجة عشان تعمل الملوخية وملاقيتهاش متفضليش تتضيع اليوم كله وتخسري جوزك ويجي علي الغدا ميلاقيش أكل خلي عندك خطة بديلة.....