موضوع: الطات هو ما يميز المرأة...وريني الطات بتاعك الثلاثاء أبريل 23, 2013 4:20 am
أخباركم أيه فتوكات
وحشني جدا جدا
الموضوع دي حصري وانا تعبت فيه...ومش هقول التقييم....لكن يا اتمني تستفيدوا منه...وطبعا غلاسة مش تنسوا التقييم
انا عداكم وعارفكم
كان فيه دكتورة متخصصة في التنمية البشرية بتشرح دورة لطيفة جدا اسمها مشعارفه..... لكن هقول الله يسعدها دنيا واخرة واكيد ربنا عارف الدكتورة دي وهيوصلها الدعاء
المهم انا طلعت بالكلمتيين دول من محاضرتها....قبل ما يطيروا وهو
(طات)
الدكتورة كان كلامها عن المرأة وكيف تكون مميزة ومتألقة دائما
انا هشرح اللي هي قالته مع اضافات من رؤيتي كامرأة عاملة وأم وزوجة
هنا نبدأ ب
حرف الطاء
وهو من كلمة طموح....نجد ان المرأة دائما شخص طموح ويسعي جاهدا لإنجاز المهام الموكلة لها بافضل اداء واعلي انتاج
والمرأة في العمل تختلف عن الرجل...لأن الرجل يعمل كنوع من الألزام له...أما المرأة تعمل بروح التمييز في العمل والطموح ...في جزء من الأحيان لا يكون العمل ملزم للمرأة حيث انها تستطيع ان تعمل او ان تجلس في بيتها وزوجها مكلف بالأنفاق عليها...وهي تساعد زوجها كنوع من تحسين المستوي (وفي جزء كبير من الأحيان مساعدتها لزوجها اساسية لأن الحياة مستمرة في الغلاء...وخصوصا في عصرنا الحالي)
هنا المفترض ان المرأة تحدد طموحها وتحدد اهدافها وعن تجربة شخصية كتابة الأهداف والأحتفاظ بها في نوتة لك او في ورقة صغيرة في البوك او في شنطتك والأطلاع عليها يوميا يفرق كتير معك كشخص
نصيحة عملت بها وكانت لها نتائج جيدة.....اكتبي ورقة بجدول اعمالك او ما تريدي ان تعمليه في كل يوم...مش لازم من بالليل في اي وقت تفتكري ومش لازم ترصي وتكدسي الورقة عشان يرضي غرورك بانك شخص في غاية الأهمية...لكن حاجات بسيطة وتقدري تنفيذ اللي انت كتبتيه مباشرة...
يعني متروحيش تكتبي اعمال انك هتهدي البيت وتبنيه في يوم...لكن شوفي اعملا مهمة وانت مطلوب انك تعمليه...وكل ما تعملي حاجة اشطبي عليها واكتبي جنبه منها كلمة معبرة عنك
مثال
ترتيبي التلاجة......(خلصتيها...اشطبي عليها واكتبي.....شطورة يا مشمشة...يا احلي بنوتة في الكون...او مثلا طول عمرك مميزة يا جميل...دلعي نفسك)
هتلاقيك بقيت احلي واحدة في نظر نفسك...ودي نقطة هتكسبك كتير
اذا عايز تستقر بشركتك بعد النجاح وتزيد من ارصدتها ويطلع نجمها لفوق عين في الأدارة وحدة ست.....ليه ...لأن الست اشطرة واحدة ترتب الأمور الأجتماعية وتظبطها وناجحة جدا في المجال دي
النقطة الخاصة بالطموح لا تجعلي طموحك يسوقك بتهور ويخرجك عن مهمتك الأساسية وهي النجاح في بيتك وفي مملكتك والنجاح في علاقتك كأم وكزوجة وكسيدة اعمال ناجحة (من وجهة نظري ان المصطلح دي ينطبق علي عمل المرأة في وظيفة حكومية او حرة اين كان...)
ممكن تكوني سيدة اعمال مع الله والتجارة مع الله مربحة
ترتيب مهامك علي الأرض....أم وزوجة ناجحة وبعدين ناجحك علي مستوي العمل...لو قدرتي توزني بين الثلاثة تكوني ممتازة لكن لو مقدرتيش في دي شئ طبيعي جدا ومتزعليش لا يكلف الله نفس الإ وسعها